推廣客家三行詩个目的

Hi, Dennis,

感謝你提出个問題，順便借題發揮，說明推廣客家三行詩个目的。

首先，三行詩係毋係詩，由在人解釋，𠊎認為，「心中有感而發的心聲」就係詩。

講詩係一種「遊戲」，一定有人會不認同，講係一種「風流」个文字遊戲，較有影。

有一次，𠊎拜託一位校長( 大專級) 介紹，去拜訪一位文學院名教授，請教有關三行詩

相關問題，佢一看著幾首客家三行詩，就搖頭講「無韻不成詩」，𠊎感覺當敗勢，毋敢

再聞下去哩。𠊎轉頭又去問日本俳句老師 (96歲) 相關問題，佢講，俳句、詩、川柳(比俳句

更冇計較形式个17音短詩)，都係屬於詩，而俳句與川柳，係比較「俳而諧」个體裁(style);

詩、俳句、川柳都有搞生趣个文學性質 (a kind of playing of words in term of literature)。

故所以，日本人講，文學愛有一種「遊心 (讀a-sobi-kokoro)正做得，乜愛有風流个氣質」。

推廣客家三行詩个主要目標，就係愛來傳承客語 (客家話)。客語(話)單淨靠口傳，毋罅力，

一定愛有文字共下傳，正有效，正有影跡。

學寫三行詩

莫忘祖傳客語言

台灣有福有客人

天佑台灣! 

CS Lou, 2017/l0/03