傳承知識潤社會

Dear Dr. Chu,

國際母語日，用自家母語，寫出人生經驗詩/文來慶祝，意義深長，又生趣，感心感謝。

現代化知識，用傳統母語寫出來，傳分族群鄉親來分享，提升族群文化水準，當有意思，

大家共下來打拚。講著臺灣人衰過，自家母語冇先生來教，殖民政府不准在地人講

自家介母語，尤其，嗯介母語客家話，只能在鄉下偷偷講。頭擺佇台北讀書時，落市內

買東西，講客話冇人聽得識，講日本話分人嫌食狗屎，講北京話分人嫌係chan-ko-ro

(清國奴)，Holo話毋曉講，比手劃腳冇較增，還會分人嫌係Gong-ke-rang 戇客人。

講著蛙蕬(Guai sii、紫蘇、シソ(Shiso)，這下，有青蛙蕬，毋係紫色，上日本料理店，注文

一盤生魚片料理時，定著有加幾葉青蛙蕬，夾生魚片共下食，盡合味。客家料理肚，乜

有一道蛙蕬炒三層肉，又香又扯飯(ca fan)，好哩，毋好緊講蛙蕬料理，講著口水會佇毋調。

欽佩朱醫師

長年透日寫文章

傳承知識潤社會

感恩，晚安。

CS Lou 2/21/2015