山肚當恬靜
蟲鳥山羌喊聲停
麼人牽覺又一輪
立冬逐小雪
四神排骨好補冬
秋陽秋雨秋聲遠
人人一點氣
存在世間做隻人
多少乜愛有點情
面對惡鄰舍
仰般保護大自家
自主防衛毋會差
壁角無人知
烏面麻鷺該位企
一儕毋會忒孤栖
風吹寒雨來
透日透夜落無停
屋簷鳥仔奈位棲
望等秋收過
田坵毋好放佢荒
種菜委仁加減好
國家有救星
自由民主同人權
平民百姓幸福增
堅定个目光
分人安定像信仰
行入餳人个地方
貓仔入草叢
眼前又遽又有風
出來頭犁無採工
點入泥竇肚
該細細粒个種仁
哪時會暴芽綻筍
貓仔腳影在
車頭引擎蓋面項
寒天燒暖个痕跡
感恩秋收好
天地神明愛答謝
年年歲歲歡樂多
田洋變大樓
恁好生活哪使愁
無米無菜無心焦
高雄掛艷陽
照到寒天變春天
想望過冬好地方
麼个係詩人
感受天地萬物情
創造一方理想國
打早一䟘床
開容笑面哪位逛
青山路彎好風光
新曆十一月
跈等燉補過冬節
毋驚寒天落白雪
上班个時節
仰般快樂好心情
就看拜五抑拜一
阿鵲幾下隻
打早屋脣來做客
上上下下毋驚嚇
山肚當恬靜
蟲鳥山羌喊聲停
麼人牽覺又一輪
立冬逐小雪
四神排骨好補冬
秋陽秋雨秋聲遠
麽人恁早萋
半夜三點電線企
單鳥一隻恁孤栖
在地客家菜
當季當時好入嘴
特色風味有搭碓
燒暖日頭出
鹹淡拿出禾埕晒
歸身香氣鼻公入
望得秋收過
平安戲做廟坪前
老嫩大細共一堂
夢幻也泡影
人生路項莫著驚
一步一腳真有影
對面靚細妹
開容笑面逐等來
歡喜迎接一場夢
壁蛇毋係蛇
屋下壁項爬啊爬
看着蚊仔加減抓
除忒噭一場
還有麼个表哀傷
面對親朋个離開
客語文學路
記得起步个當初
行在理想个路途
暗夜秋風涼
被骨蓋等睡眠床
一覺睡到天大光
秋日西片落
長衫長褲記得著
涼風吹久會寒着
日安 平安詩
秋雨落等來
菜園菜箱改等來
大菜蘿蔔種等來
樹頂柿仔紅
毛籣愛吹九降風
主人人客喜相逢
我夢啊夢仔
仰會看著恁像你
行在該條山路項
挷幾條蘿蔔
帶轉屋下炆爌肉
阿姆歡喜自家有
人生夢一場
仰般在夢中修行
應無所住生其心
目珠擘啊開
又係一日好時光
屋脣鳥仔啾啾滾
工程聲隆隆
莊下老人無異慣
哪時完工變恬靜
孤栖來做伴
一杯酒來一杯茶
毋使明月來過家
環境多變化
電線頂个白翼仔
比屋簷鳥還較多
河壩沙蔗花
風吹雨涿漸落泥
秋天定定仔過冬
秋雨落心頭
菜園野草多過菜
一片青青也好看
秋晨發春夢
遠方个人目珠濛
熟事聲情傳耳公
明月掛山巔
哪知孤栖來做伴
想念朋友在天邊
半夜愐心事
人生旅程愛有志
生活有夢有理想
時間一ngiab目
人生樣般恁勞碌
鹹菜愛香愛倒覆
河壩開沙蔗
秋風吹起歸身搖
日頭晟出打眼花
麼人無愛伴
心事心情有人聽
食著燒暖毋使愁
管佢愛仰般
自家修行人生路
心無罣礙平安過
時間點點過
留下麼个分人愐
有影有跡來行到
企在較高位
看得着較闊較遠
看毋着腳下个人
該係青春夢
夢醒過後還會想
當像哪位有印象
落葉檳榔芋
削頭削莖炒來食
酸醋薑嫲好味緒
明月講愛來
聽著心肚真歡喜
行到屋前臥頭望
鳥仔電線企
望等有情人做伴
望啊望仔異孤栖
海葵海上來
大門頭前無人迎
毋知仰般行入來
風颱來到哪
上北下南無人知
盼望眾生都平安
七月過一半
好兄弟敢有試着
燒暖溫情在人間
季節轉換時
心情乜跈等轉變
仰般穩定到該時
頭擺个夢想
到今還在心肚囥
不時準狂話來講
歌聲傳真情
一條一條唱無停
時間遽過真無情
酒逢知己飲
千杯萬杯還嫌少
毋知哪時會相見
詩酒共一家
你講寫詩愛有酒
我應有酒好寫詩
芋仔同蕃薯
做丸打粄項項好
就驚放久來生菇
牛郎同織女
暗晡夜會見著面
共下慶祝七娘生
人生追麼个
分人懷念个過去
分人想望个未來
朝晨日頭烈
好得樹下好尞涼
涼風吹來真鬆爽
日日有事做
較贏閒閒緊發夢
哪時哪日做大爺
懶人講懶話
雜草熱天好遮陰
菜地毋會恁遽燥
