臺灣人過年

臺灣人過年

盅臍打粄增氣氛

紙炮聲響連天邊

三拾暗晡夜

細人嬉等拿紅包

大人愁愛樣般奔

年頭僗年尾

牲仁水果樣樣有

佇等眾神祖先嚐

新年頭一日

大廟小廟人尖人

求神保庇一家安

陳尹絨

感嘆 (2)

心肝結歸球       [ 心肝痛都打結、儘痛介意思]
雨天拜訪七旬翁
望佢連署救台灣



決心為台灣
想愛捐出百銀錢
翻箱倒櫃搜銀角    seu



儉腸又減肚
害捱目汁內肚流
有錢人家又樣般



自重正受尊
盡多客人用嘴講
冇做又來撈人嫌
 


嘴講愛客家
打冇嘴佢樣樣會
做起事來冇半瞥



嘴講愛客家
實際無做半項事
打冇嘴毋使用稿

感嘆 (五首)

雞隆山坑肚
五零年代捱出世
滿女當做滿子養


阿爸个期望    (常常講)
喊捱有耳莫出聲 
求得平安好作人


長大正知得
白色恐怖得人驚
常有鄰舍打毋見


客人盡驚死
分人剁頭冇奈尋
現下共樣毋敢聲


客人較ka冇膽
維持現狀求保命
改朝換代毋敢試

試作

台灣客人唐山來

在野生根又落葉

人講客人盡憨仈

總係選奔長山黨

啀講客人精過頭

食习甜頭景哇贏
不知子孫苦眼前