鍾老過九十一生日

Hi friends,

鍾老九十一

筆耕著作歸生人

爬格填字兩千萬

臺灣作家苦

日文著作抗日本  (zu zog)

中文書寫苦難史  (臺灣苦難史)

鍾老實在慶 (kiang)

筆耕中文靠自修

著作層起一樓高  (得過吳三連文學獎，中大、交大名譽文學博士等等)

典型客家人

溫和樂觀又耐苦

性格客氣又堅強

心臼盡優秀   (能幹又有孝，昨晡日，佢講，阿公(鍾老)緊老緊得人惜，好心臼个心聲)

桃客家事務局長

國際拼布藝術家 (蔣絜安，苗栗人)

小英較慢到

客語祝賀鍾老壽

祝福健康食百二  (in the ending)

鍾老同關西已有緣，親阿姊嫁來關西茅子埔陳屋，夫(bu)娘討關西老社寮張家小姊張九妹 (前年過身)。其實，鍾老个姊丈 (ji cong)陳興標係我(ngai)表兄，啀母親阿哥个長男，從細，阿標哥阿標嫂盡惜啀兜 (阿銀姑个賴子，海陸腔)。鍾老同啀大哥年齡差毋多，鍾老夫人同啀大嫂共下讀小學，戴佇老社寮，從細乜熟事，一直有連絡。

啀有機會同鍾老見面，係最近十年來个事，有一次，承蒙陳秋濤醫師帶鍾老、邱垂亮、盧孝治共下，來關西時節，落來公司坐聊，後來，鍾老來聊過三四擺，有一次，Thomas 轉來關西開客語座談會時，鍾老乜有來，記得，該擺會煞哩愛轉該下，鍾老還問啀 ‘客家三行詩嘛人發起介?’，啀講就係啀兜人共下發起介，記得，鍾老還豎(su)起母指講句日本話，’偉 (erai)’ 恁慶 (an kiang)个意思。當時實在也毋敢進一步問鍾老，到底係嘛介意思。過幾年，前年啀去鍾老屋下，拜託鍾老寫一幅對聯該時節，啀吂坐定，鍾老就問啀還有寫三行詩冇?  非常感謝鍾老个關心，冇想著，長篇小說，或者講，大河戲劇 (日語講 Taiga Drama)个泰斗，鍾老對吂成東西个三行詩，還恁關心，難得，欽佩!

鍾老盡肯來關西，見擺來關西，一定愛先去拜訪，關西樹德醫院介陳先生娘(陳秋濤醫師介阿母)，因為，陳先生娘 (陳雲芳醫師夫人) 嫁來關西前，佇龍潭公學校教過鍾老，鍾老尊敬老師介心情，值得後生人學習，尊為典範。

註: 團體照，站在睚旁邊係蔣局長(鍾老心臼)

Best regards to you all,

CS Lou  1/21/2015