茶寮个天下

講著臺灣茶

農官冇能冇作為

茶寮得意井底蛙

自欺又欺人

茶農種茶有何罪

何必包辦產製銷

經濟學有理

分工合作降成本

合理運銷利回流

茶寮享特權

免稅免用勞基法 (免工廠登記)

傳統茶廠作阿僮

請問農業官

茶寮茶園有幾多

何必到處搶茶菁

保護茶寮幫

犧牲茶業毋值得

外貨滿街鬥當人 (年進三萬噸，出口二千噸)

頭擺茶業界

員工少算歸十萬

產品來往國際間

茶業愛改革

特權拿忒全開放

公平競爭正有望

好像資優班

官員大展茶寮班

毋驚放牛班生死

茶寮介茶業

冇情冇理冇合法

看佢幾會打橫行

海島臺灣國

國際貿易愛旺盛

關門做王冇出息

閒閒打嘴鼓

講兜氣話莫見怪

愛食八十冇簡單

哈哈笑兩聲

有理冇理準陣風

一陣過去就冇事

CS Lou