奔流莫阻擋

民進黨撈公民介提名競合，啀認為，民進黨坐苗栗，新竹縣有改進加油介空間。毋過，太陽花阻止馬集團瘋狂傾中，後生領導者，救著台灣坐斷崖前，做著民進黨做毋著介大事。

餘波蕩漾，使民進黨九合一也有拿著收穫，下來就係目前介政治洗盤現象，係台灣人介贏。

台灣社會愛信用這兜後生人，放手夲後生人去做，嗯冇理由去阻擋，老輩人也冇立場用孔孟禮教去說教，後生人有" 捨我其誰" 介衝撞改變台灣介勇氣，不管民進黨仰般感覺受到威脅，總係，為著大台灣介前途未來，成事毋使在我，讓夲後生人去打拼，正係正辦，公民運動，最後還係民進黨最有力介支持者，撈監督者。

毋使愁按多

隨其自然尋出路

船到橋頭自然直。

水遇縫會向前流

遇著高山會改道。

奔流河川莫阻擋

抗拒自然隨自然。

關西 陳秋鴻 12/13/2014