共事个雅量

各位客家同鄉，

最近佇網路上，看到盡多討論有關 ‘客家族群个尊嚴’ 問題；屬於少數族群个臺灣客家人，有時，在不同个地方或環境中，難免會遇到不同个待遇，因而，會感受到委屈，這係進步文明个社會中，不應該存在个事情，嗯兜臺灣客家人，儕儕待人處事愛謹慎，愛自重正會受人尊重。

這擺新埔枋寮義民廟，舉辦義民節祭拜義民爺典禮時，客委會現任會長劉慶中博士致辭時，特別強調客家人个「和諧」精神，佢同時以「蒲公英」來比喻嗯客家人个性格，蒲公英的花語是講[勇敢無畏]， 風吹到哪裡，就在哪裡落地生根，堅強而勇敢。拿蒲公英比喻客家人，老實講，雖然盡實際，顛倒仔乜異尷尬  (gam gie awkward; embarrassed )，蒲公英一般仔毋係盡受到尊重，講著又像花又像草，蒲公英自家，始終底姿態，冇麻介計較人家个批評。

人愛自重正會受人尊重，過去客家籍政治人物中，如吳伯雄、鍾榮吉、曾永權、范振宗、許信良等，在一般民眾眼中，貶多於褒，多多少少會影響嗯客家人个形象。這擺，小英个競選歌曲中，有一首係專門為台三線客家莊頭編製个，鄭朝方創作的《台灣花》，目前正在攝製中，鄭朝方就係鄭永金个賴仔，其作品《髻鬃花-鄭朝方的文學音樂》在2008年入圍金曲獎最佳作品 - 。所以講，首次推出个競選歌曲中，冇安排客家版本 應當毋係疏忽个問題，

係冇事前講清楚个問題。請大家愛体諒主辦單位个用心良苦。

這擺新竹縣个總統、立委選舉，異常激烈，徐欣瑩个民國黨、林為洲(國民黨)、鄭永金(民進黨支援)各有地盤，宋楚瑜个親民黨，雖然冇提立委候選人，佢lau徐、林兩人有麻介交換條件，還吂知。徐欣瑩上次立委選舉拿到17萬票，總選票个70%，林為洲係竹北閩南人地區出身，竹北一個里个選票，比新竹縣峨眉鄉个選票，多至少五、六倍。徐欣瑩原來係藍營鄭永金派，這擺可能會大拼翻盤，競爭激烈毋使講乜知。

客人愛團結

愛有共事个雅量

共下打拚做大事

人愛先自重

外人正會尊重爾

禮尚往來互尊重

一儕力有限

貪小利大事難成

大家合作成大事

臺灣愛出頭

客家人愛大團結

閩客和諧旺臺灣

2016大選舉

臺灣優先大團結

小英執政夢成真

新政新臺灣

臺灣行出國際路

國際舞台展臺灣

預祝大家仲秋快樂

 CS Lou