孫捂空變法
臺灣選出女總統
展出臺灣幾進步
小英變毋來（毋敢變）
手中一批老藍人
完全執政冇較增
執政半年來
表現好壞由爾（你）講
看出府院盡煞猛
外頭批評聲
部份要求換內閣
小英當做耳邊風
外背支持聲
相信小英个智能
請求大家有耐心
浪漫臺三線
願景論壇談幾年
雲端嘴鼓打著懶
大家意見多
相信政府認真聽
官民對話愛冷靜
私心放一旁（邊）
尊重多數个想法
共識政策（認同客家）共下拼
前後十六年
藍綠惡鬥拼選舉
利用客票做茅頭
客票決輸贏
打贏選戰冇謝（惜）客（家）
輸掉選戰怪客人
六七十年來
政府奈識重視客
搣著客人冇尊嚴
二十八年前（12/28/98）
一萬客人上街頭
還我客家話遊行
二十八年後
客家仍然再尋根
街頭客話聽毋著（到）
傳救阿姆話
客家自家愛知愛（惜）
認同客家愛講客
方法盡簡單
客話借問有幾難
講客講客再講客
臺三線論壇
不仿海外也試辦
聽取老客个想法
Happy New Year! And God Speed 2017!
Big Ben
