客話三部曲

本來阿姆話

這下客話阿婆話

有時有日變鬼話

客話不准講

客話毋敢太聲講

客話沒人想愛講

以上係客話三部曲

長鎮

感嘆 (五首)

雞隆山坑肚
五零年代捱出世
滿女當做滿子養


阿爸个期望    (常常講)
喊捱有耳莫出聲 
求得平安好作人


長大正知得
白色恐怖得人驚
常有鄰舍打毋見


客人盡驚死
分人剁頭冇奈尋
現下共樣毋敢聲


客人較ka冇膽
維持現狀求保命
改朝換代毋敢試

試作

台灣客人唐山來

在野生根又落葉

人講客人盡憨仈

總係選奔長山黨

啀講客人精過頭

食习甜頭景哇贏
不知子孫苦眼前

鄉愁

神桌山暗昏

三洽坑洽等車流

閂門棍閂等水聲

註：

神桌山、三洽坑、閂門棍，

台三線獅潭鄉與三灣鄉交界處小地名。

平日山林寂寂，

周末傍晚，歸鄉、旅遊的人開始北返，

車流迤灑如龍在縱谷裡，

這種景象，常常讓我心焦焦，

鄉愁起來。

長鎮

大家來作三行詩

家庭要和挼

夫妻之間無輸贏

尊敬謙讓係雙贏

爺娘盡惜子

百子千孫兩公婆

子孫走外無奈何   鄉親 A

堵堵好就好

隔餐菜飯就捨忒

煮到堵好冇簡單

歡喜做對歲

佢介賴仔做對歲

大家來去分佢請    鄉親B

人生夢一場

各人一條生死路

只爭來早與來遲

輪回何日了

娑婆極苦無人曉

何不早回頭歸去     鄉親 C (唐山人)

鄉情 (八 首)

伯母九十三
身體健康精神好
山歌唱出幾十籮

先生盡有心
不時傳來故鄉情
溫暖海外千萬人

靜惠盡感心
後生嫁到鹹菜甕
老來致力客家話

目汁一直流
驚天動地牛翻身
天災人禍無奈何

商人最敏感
聖誕氣氛處處聞
無奈轉眼過一冬

求歷史定位
經濟學人笨蛋言
台灣總統名世傳

俳句三行詩
麥介可談盡有意
客話傳承冇好比

先生八十一
時時惦念阿母語
裡下無學等幾時

馬戲

台灣分馬戲
從來馬戲眾人嬉
今看馬戲含淚泣

這個人是笨蛋（ this man，is Bumbler)

這個人笨蛋
上緊發條走中國 （政策方向一切往中國）
持續檢討怪別人


這個人笨蛋
積極改進不反省
全力以赴拼＂統一＂


這個人笨蛋
國際認證大gnon古  （大笨蛋，客話發音）
全民騰等變gnon仔  （全民跟著也是笨民， 有什麽樣的人民就有什麽樣的政府）

 
這個人笨蛋
民調跌到13趴
3百萬人死gnon仔（ gnon ae 客音）。


陳秋鴻 作。Nov. 17th. 2012

美國總統選舉有感

經濟有起色

烏人總統再當選

美國民主行頭前

 

dejavu

想起台灣開票夜

心肝透下博博跳

 

問題兩頭大

民主共和兩極化

自由保守大鬥法

 

執政共樣難

總統國會分兩黨

富人加稅恁難行

 

替富人減稅

有錢人个共和黨

布希屙屎分人溶 ( jun )

 

州州有公投

基本民權恁發揮

大麻同性來公投

 

陳秋濤 作

11.9.2012

心中話 (八首)

異久冇通訊
相信大家身體好
生活好來愁臺灣

經濟搞橫笐 (橫笐橫袋 vang gong van toi
選贏乜乞食幫主 (連勝文 言辭)
國民黨中央內鬥

獨派罵老謝
憲法各表做奴才
一邊一國毋敢講

難題擋前路
相佛容易刻佛難
毋曉團結項項難

中國問題大
你毋惹佢佢搞你
大食細冇情冇義

老馬無識路
傾中終統承父志
臺灣越衰佢越暢 (暢 tiong 高興)

國民毋知死
希臘困境堪參考
仰好食忒子孫福

講出心中話
大家作伴好商量
臺灣共識救臺灣

All the best,

CS Lou