性格

講啀自家介性格，作三行，

命運定性格

爺oi毋係自家選

基因排列冇選擇。

性格定命運

有人打卵愛見黃

直話一出得失人。

性格改毋來

作事衝動冇想真 

後悔總會騰能來。

冇話贏多嘴

老貨來日冇幾多

管佢世界亂昏昏。

啀係過來人

朋友三餐綁政治

就像鏡肚啀自家。

-------------------

多嘴性格真難改

台灣樣般行

方向愛著毋驚遠

方向毋著行毋到。

細路風景好

山路冇伴照樣行

行多變路人會騰。

台灣愛去奈

保持現狀坐慢車

一站停過又一站。

小英愛去奈

各站有停中華路

盡驚坐到毋著車。

公民愛監督

坐毋著車毋會到

公民開聲喚換車。

領導者魄力

崎嶇路頂風景好

方向有對總會到。

領導者魄力

夲人感動介力量

呼應改變介切望。

中華路去奈

維持現狀中華路

駛來駛去會撞壁。

開始第一哩

台灣路頂真驚險

小心駛車總會到

踏上第一哩

方向捉hed第一哩

制憲建國脫中華。

關西 陳秋鴻 4/17/2015