祝福學運轉守為攻

Hi, Dear friends :

若 (ngia)同學黃仁安董事長，實在了不起，親自參加反服貿靜坐抗議，感心，敬佩。啀乜去過三擺，逐擺觸景感動感恩，臺灣社會好像忽然間分醒起來个樣仔，成千上萬个知識份子，大學生、研究生、教授，嫪(lau)年輕熱情个社會賢達等，大家共下坐兼來關心國家大事，非常難得有个現象，天佑臺灣，盡像神明佇大發顯。

臺灣細罔(mong)細，有志、有義、有理，行大路做正事个民主國家，最驚無理亂來个外來政權，鱸鰻大國嫪暴民幫派份子來鬧事。 馬英九聲聲句句講，服貿協定个實行，利大於弊。 哈佛博士講戇話，毋知國家主權、人民人權个價值。戇九毋知國家主權值(dad)幾多錢? 王金平代馬英九，解決立法院个問題，冇採工；戇九隨時又上訴王金平个黨員資格訴訟。 恩將仇報，無情無義，見笑示大眾，冇格。

 太陽花學運个戰將，魏揚嫪黃郁芬去美國，向FAPA等有關單位報告學運經過，承蒙爾个照顧，盡感謝。 聽講，魏揚係日據時代作家楊逵个曾外孫仔，佢个爺哀佇東華大學教書，東華大學个校長就係吳茂昆院士，最支持太陽花學運个校長。吳校長係物理學家，1987年嫪朱經武博士共下，識受提名為諾貝爾物理獎候選人，花蓮玉里客家人。客家个光榮。

講忒多哩，用幾句三行詩來結束這封信。

昨晡日臨暗

為著祝福學運生

趕到立院迎出關

太陽花乍謝 (乍za)

民主種子暴新芽

島嶼天光新氣象

臺灣新紀元

當家作主愛實疊

知識革命打頭陣

太陽花學運

踢醒臺灣人覺悟

自力更生旺臺灣 (更 gien 更生，三更(gong)半夜。

All the best,

CS Lou    4/10/2014