存在

時間無頓恬

一個人行到哪位
哪位就有影有跡

留得青山

雨潤山青青

想愛樵燒毋使驚
總驚青山毋會耕

共生

詩酒共一家
你講寫詩愛有酒
我應有酒好寫詩

芋仔同蕃薯

做丸打粄項項好
就驚放久來生菇

牛郎同織女
暗晡夜會見著面
共下慶祝七娘生

圍牆大紅花

春夏秋冬都開花

望等麼人轉屋下

人生

人生追麼个

分人懷念个過去
分人想望个未來

朝晨日頭烈
好得樹下好尞涼
涼風吹來真鬆爽

日日有事做
較贏閒閒緊發夢
哪時哪日做大爺

懶人講懶話
雜草熱天好遮陰
菜地毋會恁遽燥

戇

戇人有戇福

冇人要个苦差事
作好顛倒出風頭

國史館成員
迎接檔案轉台灣
為國家保存史料

斷捨離

彼岸係樂園

哪時做得到該位
無愁人間斷捨離

平安！

風颱雨水過

一擺檢驗一擺真

哪位空缺哪位補

森林大冷氣
乜驚日頭像火團
燒起大火無結煞