政治家圖像

政客介圖像

牆頭探頭隨風搖

公僕變到大頭家。

(官大人來囉)

隨身騰等一群人  

大爺駕到民跪拜。

(公僕變大人)

隔離選民千哩遠

民意上達看報紙。(民意愛看報紙正知)

 

政治家圖像 

毋看眼前看將來

冇計輸贏顧原則。

(堂堂政治家)

為著理想拼命去

急流勇退冇轉身。

關西 陳秋鴻 2/1/2014

牛角尖論政

頭銜嚇死人

會長社長理事長

頭銜愈多愈撼人。（hon人，眩耀）

目珠生頭頂

博士碩士黨主席

頭銜愈多人愈遠。

書生會膨嘴 （吹牛）

象牙塔肚打手銃

書生嘮騷自家爽。

牛角尖論政

書讀愈多愈驚死

顧慮壓死實行力。（zat 死）

關西 陳秋鴻 2/1/2014

（註）；

批判一般elit,冇侮辱介意思，係提醒嗯兜，包括涯本人，讀書人起身愛實踐。

毋過，涯老貨仔，思想活躍，頭腦清楚，毋輸後生人，可惜自家體力（physical）騰毋到腦力。

秋鴻

加倍討轉來

zo惡tion超過

一窩老鼠撈蟑螂（kicat）

滿奈息餿害台灣。

zot 惡an超過

貪污搜刮亡黨前

台灣沉淪假冇事。

人作天di看

馬桶背信鞭台灣

暴衝賣台為中國。

加倍送還佢

全民奮戰六合一

台派民代加倍上。

關西 陳秋鴻 1/31/2014

面皮趜賁愛多講

Dear All,

What a surprise to see the news report mixing 蔡英文 and 「客家三行詩」together!
Here is my instant  reaction to the news in Hakka-3-lines-poem for your reference.

浪漫台三線
客家庄頭成十個
龍鳳風水好戴人

浪漫台三線
客家庄頭農耕人
政府奈識來關心

浪漫台三線
客家人才行行齊
國家幾時用幾儕
-----------------------

小英學客話
想愛學好毋會難
最驚自家無該心

專心學客話
一週兩擺有嫌少
一擺兩小時賭好？

講客想進步
面皮趜賁愛多講
講著毋對隨時改


Let's wish her a lot of luck!

Happy Lunar New Year 2014!

Zhong Gui Ion

or Big Ben  or 阿笨

台灣新竹新埔人

行過必留跡

Dear Ben and all,

I am sharing Ben's frustrations about DPP and Ms. Cai. but....

燜燉壓力鍋

馬統當政五年零

肚漲悶氣冇奈消。

小民盡力做

蟻公搬食毋靠單

愚公移山靠堅持。

行過必留跡

毋使喪志為一時

細水長流歸大海。

歌聲有人聽

行過腳印有人騰（跟）

唱出理念會應聲。（共鳴）

一步一腳印

翻轉工程儘大龐

打卵毋使就見黃。

關西 陳秋鴻 1/30/2014.  祝新春快樂，心想事成。

生活隨筆 (199)

01.28.14(三)

喀喀喀冇停
老伴冷到傳分捱
身腳酸軟鼻水流

身體愛保重
癌症過後免疫差
盡驚冷到冇奈何

辦公室 毋好放著作行舘

小英客家緣

緣來緣去定關西

新年好運大順利

關心蔡英文

華府台灣幾面緣

望有機會結人緣

過年許个願

小英煞猛行三線

阿笨甘願作伴行

緣分盡生趣

無緣再想毋會來

有緣再擋乜會來

阿笨小英緣

有無命中早註定

有緣無緣天安排

提醒蔡英文

客家鄉親Voi屎多

好壞聽兜作參考

小英辦公室

關西成立有月零

毋好放著作行舘

禁閉總統府

Happy Lunar New year !

2014 打馬年

發狂癲馬關起來

馴馬愛用六合一。

禁閉總統府

銅牆鐵壁府肚囥

砂石圍城毋夲出。

2015 捉馬年

水土不服中國馬

賣台叛國捉來關。

關西 陳秋鴻 1/27/2014

流亡政府乞丐趕廟公

乞丐趕廟公
毋單殖民食台灣
還送台灣分中國

精神分裂症
流亡政府騙大家
還講主權含中國

DPP毋增志
好搞派閥間鬥爭
滿腦選舉冇台灣

相采去中國
憲法一中害死人
正名制憲正著路 (對的路)

小英有變冇？
形象學問冇話講
認真學客為嚒介

頭家台灣人
中華民國早滅忒
嗯台灣人有主權

最後一哩路
民主人權正有力
一邊一國愛堅持

過年祝大家

恭喜發財 身體健康 ！


陳秋濤 作
01 28 2014

三行詩談微調

過年選舉年

相賽送禮搏感情

藍綠各各有盤算

再過十來月

七合一選定輸贏

藍綠雙方拚江山

藍營無才調

改書洗腦講微調

其實強調一中論

喊一中救命

國共聯合搞臺灣  (好比清朝賣臺灣)

忘恩負義鬼把戲

阿九冇下落

藍營執政冇認真

弊案纏身失民心

國共騙人戇

一中一臺天註定

海峽黑水溝為界

改變歷史難

歷史教訓愛認識

藐視歷史禍重來

過年想真兜

自家臺灣自家寶

公民行動保臺灣

求神佑臺灣

善良臺灣人出頭

亞洲和平正有望

新年新希望

團結相忍為臺灣

臺灣之春到來哩

恭喜新年大家好， 心想事成大發財， 身心健康萬事和!

CS Lou

生活隨筆 (198)

01.27.14

先生多才藝
關心故鄉冇容易
老來熱心三行詩

先生八十零
毅力熱情比人強
國事鄉事走先行

故鄉朱真一
洛城演講挖寶記
打從心底敬佩佢

客家朱教授
醫學專業專研精
台灣歷史擎頭旗

府城挖寶記
醫學發展台南起
點滴求真毋放棄

民怨

Hi, James,

張德正有種

滿載民怨大卡車

衝撞逛樂總統府  (逛樂ong log 逛樂仙總統出國，出洋相，見笑)

總統冇下落

大官貪污漏稅多

一句吭咕毋敢打

物價緊緊漲

總統國外唱山歌 (高山青)

百姓寒酸愁過年

張德正學士

反映民情佇毋著 (du m diau, 受不了).

閼死毋當座定敗 (閼 ad)  (座定敗 co tin pai)

總講一句話

大家共識來打拚

建設理想新臺灣

2014/01/27

CS Lou

生活隨筆 (197)

01.26.14(日)

一早去公園
鳥語花香空氣鮮
堵到老友話綿綿

台灣出名聲
貨車撞入總統府
表達不滿視命無

孫子真福氣
日本遊玩兩星期
雪橇滑板樂無比

民主係生活方式, 法治係生活規範

Hi, Dennis,

汝寫个最後一哩路，寫著盡搭句又搭理，確實嗯兜愛行个最後一哩路，

任重道遠，愛克服盡多難題正能通過，達到嗯个目的。大家全力打拚。

最後一哩路

團結選贏七合一

續等選贏新總統

選民大團結

推翻賣臺國民黨

在野勢力愛聯盟

最後一哩路

公民運動愛實疊

法治觀念愛推廣

最後一哩路

民主係生活方式 (life style)

法治係生活規範

政權係冇能

公民投票可推翻 (referendum)

人權可告官欺民

最後一哩路

臺灣主權獨立國

國際關係靠外交

亞洲四條龍

臺灣虧在無國格

國共梟望臺灣衰 (hieu 很卑鄙地希望)

最後一哩路

臺灣公民愛認識

主權獨立拚國力

All the best,

CS Lou

老伴渡等不羨仙

Hi, James Leu

生活悠悠然

老伴渡等過古稀

遊山玩水不羨仙

人生責任卒

冇愁冇慮一身輕

只有臺灣得人愁

臺灣莫內鬥

團結建立民主國

源遠流長正係福

堅強臺灣人

民主人權靠信心

法治民主冇敵人

中華大冇國

自家總統吂識選

稱霸世界吂得時

CS Lou

毋好怪別儕

高毛馬英九

假借民主搞專制

打壓追殺台灣人

絕代馬英九

假借自由搞獨裁

一儕決定國家事

夭壽馬英九

假借部下搞監聽

黑手伸入立法院

馬英九心毒

濫用司法關阿扁

專判綠營無判藍

馬英九終統

下令教育中國化

洗腦學生忘台灣

九趴馬英九

假拼經濟騙服貿

迎接中共吞台灣

國共管台灣

後代子孫無前途

膝頭日夜流目汁

奇怪台灣人

明知阿九會賣台

到今還係由在佢

毋好怪別儕

自家貪生又驚死

毋敢喊民主自由

一切怪自家

緊要關頭毋知醒

一忍再忍會忒慢

台灣人萬歲

一日早醒一日好

台灣共識作主人

醒起看清楚

外來政權奈有情

阿山官僚全冇義

年底七合一

選票打出「台灣味」

後代子孫正有福

兩千十六年

選票打死國民黨

台灣建國个開始

最後一哩路

最後一哩路
老貨疲累請問汝
毋知帶嗯去奈位。

最後一哩路
一哩路程千哩遠
毋知向東也向西。

最後一哩路
做頭帶路愛行著
一步一腳總會到。

最後一哩路
艱辛萬苦冇要緊
毋好帶到山崖壁。

最後一哩路
方向毋著行毋到
毋著一步差千哩。

關西 陳秋鴻 1/25/2014

生活隨筆 (196)

01.24.14(五)

老伴七十一
結縭含辛四十餘  
不時感念期安愉

今日七十一
細人來信傳祝語
身體安康事如意

老婆七十一
雖然生日母難日
買個蛋糕共歡時

台灣冇共識
藍綠惡鬥冇了期
各派山頭冇服人

台灣十分靚
國共聯手得人驚
自由民主愛打拼

01.25.14(六)

朝晨盡燒暖
兩老相約去爬山
一山攀過又一山

爬上山崗頂
涼風徐徐真舒暢
四處遙望尋覓忙

生活隨筆 (195)

01.23.14(四)
 

簡單食過朝
開車行路繞山崗
來去點半保安康

佇到山崗頂
登高遠望心歡暢
世事煩憂已忘懷

哈崗好所在
兩老結伴上山崗
一崗彎過又一崗

記得老古言
爺娘想子長江水
子想爺娘擔干長

記得老古言
父母恩深終有別
夫妻義重也分離

記得老古言
紅塵大廈千年計
白骨荒郊土一坵

記得老古言
積金萬兩空白首
爭名奪利盡虛浮

記得老古言
今日不知明日事
哪有工夫理是非

實在冇奇怪

CS 作 Dennis echo

實在還奇怪。             實在冇奇怪
ROC反對臺灣化。       國黨反攻去台灣
硬想愛嫪PRC合。       殖民特徵冇奇怪。

民主半生熟。             民主吂得時
亂食毋驚屙痢肚。      奇形民主包專制
假民主亂拂一場。      假戲真作忙選舉。

ROC在臺灣。             中華大騙局
人民納稅編預算。      人民交稅蓄蛀蟲
五院存在有政府。      納稅蓄佢咬布袋。

流亡中國人。              流亡外來者
來臺討食背主人。       主從顛倒棄台灣（去台灣化）
偏偏否認臺灣國。       殖民剝削萬萬稅。

總統選搞仔。              中華賣台灣
收稅食衰臺灣人          反攻＂大陸＂變反台。
夭折事做多該死。        大幅微調中國化。

中華大冇國                 國共兄弟黨
漢賊不分土匪樣。        魯鰻土匪一家人。
欺負百姓冇看日。        外來本質共樣形。

夭壽事做多。              台灣抗中華
天責罰吂到定定。       台灣中華異族體
到時喊救命冇效。       樣般拿來送作堆。


ngia 婆介leb deb :))
憲法一中算麻介?
中華共識棄台灣。

ngia婆介leb deb
台灣中華有共識？
為到選舉毋認oi（母）。

ngia婆介leb deb
中華台灣不相容
敵對關係求共識？

ngia 婆介leb deb
中國加一加一鳥（ 蘇主席賞鳥，抓鳥論）
台灣鳥化變錐仔。

關西 陳秋鴻 1/23/2014

實在還奇怪

Hi, Ben :

實在還奇怪
ROC反對臺灣化
硬想愛嫪PRC合

民主半生熟
亂食毋驚屙痢肚
假民主亂拂一場 （fud)

ROC在臺灣
人民納稅編預算
五院存在有政府

流亡中國人
來臺討食背主人
偏偏否認臺灣國

總統選搞仔
收稅食衰臺灣人
夭折事做多該死

中華大冇國  （tai pan gued) ROC+PRC
漢賊不分土匪樣
欺負百姓冇看日

夭壽事做多
天責罰吂到定定
到時喊救命冇效  （毋掣 m chad)

斯文三行詩
聽到恁樣佇毋著  （du m diau)
寫詩消氣莫發閼    (Po ad 生氣）
Just for fun,

CS Lou

HAPA-NA總動員

Hi. Big Ben :

聽君一席話

好比食著熊仔膽

諸葛貴洋獻張計

民進黨有望

但係黨內愛團結

黨內鬥爭失民心

臺灣政局亂

政黨政客無共識

信口開河誤大眾

HAPA-NA總動員

歸鄉推廣新觀念

喊醒民眾建共識

臺灣人个國

臺灣人當家經營

相忍為國愛打拚

民進黨執政

民主法治尊人權

經貿全球旺臺灣

天佑臺灣國

小英受命打聖戰

客家村莊打頭陣

          

臺灣愛團結

支持小英打聖戰

馬年騎馬大勝利

大家莫大意

聖戰輸忒會衰死

阿山來臺打橫行

臺灣贏轉來

發揮臺灣人智慧

贏轉亞洲四龍頭

Thank you so much for your holy war simulation for Lady Tsuai’s office and foundation.

God bless the Taiwanese people!

CS Lou

有夢最美共實現

Hi, Dennis :

人生愛有伴

朋友有緣來相隨

有夢最美共實現

臺灣人个國

臺灣人个生活圈

外來政權莫戅想

鴻兄講當著

眾志成城為臺灣

鞠躬盡瘁老兵願

高舉臺灣旗

國家成敗在這擺（2014，2016兩選舉）

各各盡力旺臺灣

CS Lou

認養鄉鎮身心到

貴洋 , 大家平安；

 

憂國憂民儘感佩

意義深長展意志。

認養鄉鎮身心到

空降故鄉尋立足。

儘好故鄉有基地 （ 黃永達教授，小英基金會，台紅...作在地聯絡調配中心）

輪流轉去教英客。

老兵不死身凋疲

眾志成城為台灣。

春蠶到死絲方盡

拖行最後一里路。

關西 陳秋鴻 1/22/2014

燒香擲聖筊

台灣人覺醒

燒香請問阿公婆

擲个聖筊有答案

嗯哩愛共識

共識自家台灣人

包容團結為國家

國家个名號

大家心中係台灣

後年執政正來改

生活隨筆 (194)

01.22.14(三)

見面冇簡單
同學邀約食便飯
情意卡長盡感謝

四季廣場會
泰平醫療同歡唱
歌舞呈平馬年旺

每月一次會
洛城泰平照顧多
集會同樂笑呵呵

泰平發便當
帶到公園享野餐
聊聊過往天地寬

生活隨筆 (193)

01.19.14(日)
 

爾灣大公園
一望無際建築中
打球漫步樂無窮

 

01.20.14
 

過年年年過
二十九年一晃過
身在海外心在何

一年過一年
兄弟姊妹各一方
想起頭擺傷斷腸

冇年也冇節
過年過日冇分別
思念父母心難解

過年拜祖宗
牲儀大付冇來嚐
祭拜不過表心腸

過年分紅包
兒孫遠在海一邊
一通電話祝好年

客家老古言
七月半鴨唔知死
三年一閏好壞輪

客家老古言
愛討埔娘莫貪靚
想嫁妹仔莫貪財

記得老古言
後生時節多勞碌
年紀老來好享福

記得老古言
寧可賣忒祖宗田
唔好拋掉祖宗言

記得老古言
薑麻愛挑(tot)老介辣
甘蔗愛老選介甜

01.21.14(二)
 

人人冇共樣
子孫滿堂盡好命
多少家庭孤單單

客家師傅話
燒屋捉鼠毋合算
冇牙食蔗加減啜

客家師傅話
露水泡茶難得嚐
急水釣魚難上鉤

客家師傅話
井底讀書學問深
乞食趕廟公強要

關鍵時刻

媒體影響大

利用適當效力大

過分依賴反效果

公民力團結

貪官污吏冇奈囥

外來政權冇門入 (ngib)

臺灣好所在

生活環境愛保好

賣臺陰謀最惡毒

媒體冇中立

讀者毋知信奈好

啟蒙運動愛實疊 (siid tiab) 紮實

藍色媒體報

明目張膽背臺灣

引狼入室欺百姓

混淆價值觀 (fun hau)

敵我是非分不清

臺灣認同翻崩岡 (fan ben gong)

臺灣冇主權

百姓人權冇保障

臺灣人民冇下落  (嗚呼哀哉) 冇奈位好去，冇奈位好戴。

CS Lou

愛心說服建共識

政治大眾事

忍耐同情無知者 （ Endure,  pity and embrace )

愛心說服建共識

處事愛講理

公民意識伸道理

民主法治論是非

執政者愛正

公民儕儕愛認識

法治共識正會旺

   

人生冇幾長

君子服人以德性

忍耐同情來勸話

人生和氣中

硬頸逞強冇較贏

是非心服正會和

公民心胸寬

大公無私為公眾

人生樂在春風中

柯文哲現象 (1)

看柯文哲現象有感，乜作三行鬥鬧熱。

柯文哲現象

星火延燒全台灣

政治圈仔亂一團

到底好也壞

國、民兩黨講係壞

公民運動係好事

好著好佇那

公民關心國家事

台灣前途還有救

壞著壞佇那

公民組織多又散

係冇團結一切難

-----------------------------

At 5:15 PM, ET, I suddenly noticed a spectacular sunset through my kitchen window while sitting in front of my computer.

Man, I have never seen anything like that in my life.

斯該一瞬間

窗外夕陽紅西天

意識台灣在變天

西邊係台灣

日夜思鄉一个夢

落葉歸根圓﹝緣﹞一生

Hope that 黃永達 教授 have a great success at his presentation on 「客家三行詩」in 關西 today. 

Best regards,

Zhong Gui Ion

張貴洋

美國華府

台灣人善良？

講台灣人善良，係善良介奴性？係奴性介善良？試作三行；

台灣人善良？

悲情目汁吞落肚

埋怨埋到膝頭下。

殖民者心舅

心舅（媳婦）冇言隨人使

目神總係看腳下。

奴性儘善良

善良奴才隨人賣

主人毋作作奴才。

關西 陳秋鴻 1/20/2014

新年照樣過

新年照樣過

台灣政治愛關心

祭祖燒香祈三福

一福分小英

眾神保庇身心健

完成最後一哩路

二福分客家

眾神保護客家庄

團結抗外為子孫﹝抗外=對抗國共外來政權﹞

三福分台灣

眾神庇護「台灣派」

打贏年底七合一

留等名聲換路行

看呂秀蓮表現有感，作三行；

勸告呂秀蓮

歷史潮流像洪水

河水後浪送前浪。

副總統印象

時裝表演出風頭 （著自家設計服裝）

聚焦燈光照自家。

舞台屬公民

風頭毋使自家承

舞台燈光照大家。

美麗島石頭 （ 變成硬頸頑固石頭愛人來搬走）

政治人物看將來

政客只看眼前利。

急流愛勇退

成功毋使在自家

留等名聲換路行。

關西 陳秋鴻 1/20/2014

生活隨筆 (192)

01.18.14
 

老人愛遠足
拜六結伴去爬山
一路閒談講唔完

遠足俱樂部
拜六領隊帶弄行
四五十人喜洋洋

客家古老言
人生大富全由命
想愛小富得靠儉

記得老古言
朋友相交莫談錢
相交談錢多牽連

記得老古言
人係好賭一身光
人係好嫖一身瘡

記得老古言
阿爸正當子唔邪
阿姆勤儉女唔懶

記得老古言
人係會算唔會除
就像偷米換蕃薯

01.19.14  (日)

爾灣大公園
一望無際建築中
打球漫步樂無窮

年關心冇閒

年關心冇閒

送舊迎新行事多

家事國事天下事

年三十祭祖

三十暗晡團圓飯

續等分發磧年錢

初一拜天公

阿公婆前大團拜

春酒互祝新年好

新年選舉年

公民意識頭探探 (dam dam) (頭勾勾 teu gieu gieu)

選賢與能贏轉來

柯文哲現象

東京大阪例仔多

成功何必歸奈黨

民進黨現象

日月星光照臺灣

何必相鬥虧大家

相忍為臺灣

成功何必在我身

奉獻自己乜受惠

臺灣海洋國

資源有限靠經貿

民主科技為特色

政府冇下落

臺灣經貿緊衰弱

政府無格萬事衰

公民企出來

民主法治新觀念

選票革命救臺灣

農曆新年到

恭喜新年新觀念

臺灣愛變正會贏

生活隨筆 (191)

01.17.14(五) 

 

硬頸客家人
高本桂藏介大作
老古語言人生路

免費交通車
醫院超市送到到
準時方便實在好

又去健身房
走路騎車樣樣有
身體健康靠戚家

客家師傅話
兩人共支扇爭風
被單做手帕大方

客家師傅話
豬嬤養狗仔雜種
乞丐背葫蘆假仙

客家師傅話
三個介鼻孔閒管
花缽內種菜無園(緣)

臺灣共識 (5)

台灣共識論

對抗九二共識論

小英變成「空心蔡」

中國加一論

對抗台灣共識論

光頭變成「阿童鷗」

不管那種論

論著自家講清楚

喚醒百姓最要緊

蘇蔡「台灣論」

藍營批玩文字戲

中共驚台灣獨立

台灣獨立夢

先愛接受現事實

台灣等於ROC

阿扁做八年

中華民國个總統

可惜毋敢改國號

制憲台灣國

講著簡單做盡難

六成綠委可能成

年底七合一

自家覺醒認台灣

選票打出新「共識」

認同嗯台灣

團結支持反對黨﹝大聯盟﹞

後年打贏大選戰

選出好總統

國會席次超六成

國號台灣正來改

臺灣共識 (4)

Dear CS,

汝介想法涯清楚
行忒一里用智慧。

理想現實差按遠
選贏執政係近路。

前輩苦心為台灣
共路一心冇叉路。

毋知選民想麻介
儘驚算盤打毋著。

驚介論述冇新意
選票遊移冇定著。

Cheer, God bless Taiwan

關西 陳秋鴻 1/16/2014

臺灣共識 (3)

大家愛團結

和而不同有骨氣

和而求同要愛心

革命不流血

觀念溝通建共識

和氣相容萬事興

天佑臺灣在

遠東和平看臺灣

世界和平看遠東

All the best,

CS Lou

臺灣共識 (2)

Dear all,

大話毋好講按多，有講冇作分人嫌
建言準作風吹過，2 0 1 6 會分明。

Thus again---

台灣係中華民國
民黨國黨仰般分。

中華民國係台灣
選民毋知選奈片。（選民要願景，如果民進黨與中國黨無甚差別，

又何必選民進黨）。

毋好寵壞蔡英文
勸話佢愛聽起來。

團結愛在原則上
模糊湳泥儘難戰。

中性訴求戰怪獸
玉碎瓦全冇較爭。

矯枉過正有必要
全力支持出線者。（ 小英最後出線，就全力支持佢）

God bless Taiwan

關西 陳秋鴻 1/15/2014

生活隨筆 (190)

01•16•14

乒乓輕鬆打

埔娘對打冇輸贏

一來一往身體強

臨暗出門行

小溪步道百花開

鴛鴦戲水樂開懷

記得客家言

打人勿打人介臉

罵人勿揭人介短

記得老古言

雨唔會落歸個年

人唔會窮一世人

記得老古言

說話勿好說過頭

傘仔勿好打全開

大家作伴救司法

敬佩彭文正

仗義直言毋驚關

帶頭改革司法界

支持彭教授

捉出黑心个法官

共下打拼改司法

勇敢企出來

人人陪審作法官

大家作伴救司法﹝or 救台灣﹞

客家文化斯文圈

戴佇南加州

越洋悠然念故鄉

退休不忘傳文化

三行詩達人

心耕客家文化園

先人智慧滿園開

文化心田耕

客家文化斯文圈

帶動臺灣出頭天

老古言語講

人勤地獻寶會旺

人懶地獻草會衰

田愛日日到

屋愛朝朝掃正淨

好心人家納福多

CS Lou

生活隨筆 (189)

01.14.14
 

記得客家話
埔娘死忒滿街白
大官死忒唔人扛

客家老古言
夫妻本係同林鳥
大難來時各自飛

記得老古言
吃齋能夠變成佛
牛馬也能上西天

記得好古言
寧可向人借金簪
勿向人借繡花鞋

記得老古言
一夕致富莫造屋
一夕窮困莫食粥

記得老古言
山中無虎犬稱王
鼠尾唔會生大瘡

日夜差別大
當晝出門熱fot fot
晚晡屋下冷咻咻

拉古納武茲
退休老人萬過戶

華人總共三百餘

台灣共識

中華民國係台灣，台灣係中華民國，係毋係承認這部外來殖民，

冇台灣人民參與介中華民國虛擬憲法？
中國加一，拿中國當主詞，台灣，中國變成從屬關係，何不提美國加一，日本加一？
中國論述，毋使隨K黨跳舞，應予擱置。

台灣共識
台灣毋係中華國
中華毋係台灣國。

台灣共識
外來憲法亂台灣
制憲建國係共識。

台灣共識
台人毋係中國人
毋好甘人作華人。（75%認為係台灣人介現下，強迫人來做華人=中國人=Chinese ）
 
台灣冇共識
中國加一係麻介（蘇主席發言）
主從關係言詞中。

台灣冇共識
日本加一又仰般
美國加一也做得。（也可以）

小英共識論
上擺大選提出過
lia擺重提冇較爭（增？）

 

關西 陳秋鴻 1/15/2014 。 （匆匆忙忙，緊緊拼拼， 關西H3L開講前）

分人準貨賣?

臺灣天空頂

曾經飄過七國旗

冇定又來五星旗

荷蘭西班牙

續等明朝東寧國

清朝臺灣民主國

日本五十年

中華民國六十年

現下政府冇國格

過去百年來

國際正義隨風吹

臺灣分人準貨賣

有關臺灣事

臺灣人講正算事

臺灣同意正有效

臺灣愛團結

莫戅想藍營分裂

反對臺獨性難改

臺灣人愛知

自家國家自家保

經貿民主文化國

忘恩負義者

在台中國人愛知

出賣臺灣冇好報

中國人愛知

臺灣自古獨立島

同文同種非原罪

臺灣民主國

愛好和平重正義

民主法治个燈塔

CS Lou

Beloved America

多元移民國

紅黃黑白大融爐

世界人種大滙合。

法律冇分色

人人平等憲法下

追求幸福人人來。

尊個人民權

機會平等尊個人

成功看汝自家拼。

自由澇民主

自由信念照人類

民主立國戰極權。

中國魯鰻起

邪惡崛起坐東方

到處衝撞使魯鰻。

文明戰邪惡

文明大國有責任

世界警察有必要。

關西 陳秋鴻 1/13/2014