Friday, October 25, 2013

食油出事遮冇能

愛錢冇記才
食油出事遮冇能
錢一分又過選佢

司法冇獨立
馬手伸到特偵組
阿扁佇是受害者

面皮賁過牛
九趴馬還毋下台
去那位分人丟靴

馬騜現世報
想愛滅王過服貿
反落違法 濘膏泥

太極拳高手(王金平)
醬缸浸到歸生人
馬統拳頭打到棉



陳秋濤

10 25 2013

關心台灣介政治

“政治毋好插”,
從細﹝小﹞大人教細人,
插著政治會坐監﹝牢﹞
                    
竹中兩年半,
受著辛校長影響‧,
敢講敢罵毋知驚。
                    
台大第一年,
愛死黃祝貴教授,
「國際現勢」談政治。
                    
四年讀下來,
自由風氣看政治,
反蔣思想開始燒。
                    
燒到反政府,
阿爸送出國學經﹝精﹞
奈知一學半生人。
                    
黃娟講著好,
“政治毋插無關係,
至少愛去關心佢﹝它﹞。”
                    
小英講盡對,
“政治係公共事務,
毋好散忒有希望。”
                    
台灣需要汝,
做個公正介公民,
共識﹝Consensus﹞團結Solidarity﹞作主人。

Wednesday, October 23, 2013

美國水門案 vs. 台灣國會門

美國水門案,
逼走總統尼克森,
歸功華盛頓郵報。
                     
社長葛蘭姆,
領導上下一條心,
授權記者討公道。
                     
世界看鬧熱,
國會山莊日夜審,
確定總統有寴聽  (or 犯憲法)
                     
尼克森認罪,
歉疚知衰放手走,
美國史上一污點。


------------------------------------------------------

台灣國會門,
媒體軟弱炒毋燒,
自由時報名空白。

國會藍立委,
藐視民意拍馬屁,
阿九八趴照樣爬。

民視董事群,
錢銀袋飽作功德,
翻炒阿九火燒府。

黑白分無清,
兩道搣衰台灣人,
百姓團結掃白狼。

落葉歸根還係夢

楓樹奈知老,
春夏時節穿綠衫,
涼秋穿著紅噹噹。

紅楓實在靚,
奈輸後生細阿姐,
年年大旺共樣靚。

楓樹有人性?
入冬風吹葉落地,
孤枝光身笑嘻嘻。

笑看老貨忙,
清掃落葉堆作肥,
葉爛歸根滋養佢。

老貨掃落葉,
一掃掃忒半生人,
葉落葉生又一年。

年年想轉屋,
無錦無榮轉著無?
落葉歸根還係夢。

會讀會寫正會傳


母語﹝客話﹞傳子孫,
會聽會講還毋夠﹝La﹞,
會讀會寫正會傳。
                    
母語世代傳,
會唱山歌無較增,
山歌束棚母語斷。

三行詩銀行

三行詩銀行
人生老來冇成就
愛留麻介分後生。

 
三行詩銀行
客家三行留後代
就像留錢儲銀行。

關西 陳秋鴻 Oct 22, 2013

楓樹毋驚老

楓樹毋驚老
秋來老葉紅半天
落葉榮歸萬人迎

葉葉共根生
老葉盡忠過一生
衣錦榮又一代

楓樹一家人
個個煞猛守本分
年年緊大又緊旺

聽聲認識﹝美國﹞五十州 (1)

火箭上空聲,
罕玆Huntsville太空城發出,
這係阿拉巴馬州Alabama
                   
 
狗吠冰雪中,
安哥拉治Anchorage到諾美Nome
阿拉斯加州Alaska賽狗

有一種力量

有一種力量
使人這痛又介痛
檢查身體又冇病。

有一種力量
使人介腰背彎曲
面皮畫到深jiu紋。

有一種力量
使人介心智昏盲
總係記得以前事。

有一種力量
使人介目珠渾茫
耳公聽毋到全音。

有一種力量
使到歲月冇停駝
日le腳步緊拼拼。

自然介力量
春來花開秋落葉
蕃薯落地葉相傳。


關西 陳秋鴻 Oct 22, 2013

Monday, October 21, 2013

臺灣人衰命還歪

馬戲團搞怪
滅王冇成換戲碼
白狼出面嚇綠營
(馬以南友人從中國轉來)

金平冇骨氣
阿九贏面膽在在
臺灣人衰命還歪

衝衝衝冇效
以小事大愛智慧
大家莫散忒就贏
(小英名言)

CS Lou

緣去緣來天註定

人生盡生趣,
緣去緣來天註定,
熟識先生係佛緣。


有緣心連心,
隔洋千里像隔壁,
想到家鄉收家信。


(Remarks:
these poems are dedicated Mr. CS Lou by BIG Ben)

Sunday, October 20, 2013

做毋到自家

做毋到自家 (不能做自己)
父母大名人人知
冇人識涯係麻sa

 
冇名又冇姓
關西出身人問名
貴姓大名奈位待。(住那裡?)

 
涯係陳屋人
關西街巷陳屋人
出外半生冇人識。

 
陳家第三子
冇人毋識阿爸名
毋使名姓蔽蔭下。

 
本性蔭影下
轉去關西愛規矩
毋好瀉衰阿爸名。

 
自家求解放
出去外背做自家
毋使背(ba)到爺娘(ye oi)名。


關西 陳秋鴻  Oct 20, 2013
 
 
註:
雖然出生世家,也曾經歷戰爭的窮困,升學的不順遂,高中時就體驗殖民統治的不公不義,大學畢業服完兵役,保持"思想沒問題"的計錄,方得以留學國外呼吸渴望的自由空氣。
台灣人花了半世紀還不能覺醒,高中時就由零碎的資訊以及包括偷偷閱讀吳濁流送來給父親的 亞細亞的孤兒 而進一部確立了我的一生的政治立場。
長兄,二哥已留日在先,父母明白告知已無力提供學費,只提供單程機票,毅然遠走,半工半讀走過留日留美求學階段。
以上是有感而發,也是何以我一生在追求自我,一個真實的我的心路歷程.

孤獨係人生

以下三行詩,源自一女性,感覺有道理,佢講;"under the same roof where one lonely soul is better than two lonely souls together. "
Sounded negative but it is courageous positive life philosophy.

孤獨係人生
孤獨本係人生事
自由自在享孤獨。

來往一sa人
孤獨來哩孤獨去
冇人代汝見閻王。
or(一sa(人)孤xi 一 sa 當。)

簷下倆孤xi
兩個(zhat)靈魂待共下
(住在一起)
個自魂遊倆孤xi。


關西 陳秋鴻 Oct 20, 2013

Thursday, October 17, 2013

入秋狂賞楓

入秋樹葉變,
人潮四處搶賞楓,
逐位早慢差幾日.
 
 
變色幾時變,
北部九月開始變,
南部拖到十月底.
 
 
那位賞楓葉,
東北六州最有名,
其他各州共樣靚. (*六州=New England)
 
 
幾時色最靚,
年年時間無一定, 
熱線電話分汝知.
 
 
變色看天氣,
好天連連色彩豔,
溼冷風大色黯淡.
 
 
葉仰會變色,
春夏生產葉綠素,
其他色素藏底肚.
 
 
入秋日子短,
入夜一涼樹打顫,
停止製造葉綠素,
 
 
秋意一下濃,
紅黃色素顯出來,
滿山樹林像彩虹.
 
 
短短一個月,
天變人跟狂賞楓,
入冬落葉又一年.

有話寫三行

有話寫三行
傳分親朋好友看
有事商量會好勢

有緣來共世
人生共下來打拚
造福子孫好過日

Hawaii Islands

天堂介邊界
點點島嶼大洋中
人間仙境眾嚮往

太平洋中間
日出大島又一日
金 jia gaib lang 浪花中
( 閃爍耀眼......。 涯毋相信,CS 尋得到客家字:)) )

熱帶介花園
花香遐(xia)人空氣中
(引誘)
毋知花香座奈來。(不知那裡來的花香)

Polynesian 樂園
藍天白雲椰樹姿
海風袖邊冇停駝
(tou)。 (不停留)

關西 陳秋鴻 10/15/2013

Saturday, October 12, 2013

冷眼看台灣

冷眼看台灣最近介政治,
一句話;外來殖民集團,搞(玩)弄台灣人民手掌間。

 
冇話介日le
民主重傷法難申
殖民政權搞台灣。

冷眼看台灣
假笑握手按虛假
政爭吂束(sod)先謝幕。

笑面藏(kon)尖刀
棚頂打到戲蓬下
暗鬪換到戲蓬背。

有仇定著報
笑面阿九心術邪
變態屠敵冇放(bion)手。


關西 陳秋鴻 Oct 12,2013

閒閒打嘴鼓

中國人愛財
新年恭喜喊發財
升官發財日日望


富有非罪惡
取之有道正君子
斂財留後歿子弟


人生莫自私
經濟繁榮靠全民
社會財富大家享


致富知回饋
社會感恩更和氣
心情爽快好生活


做人憑天良
不義之財留後輩
罪惡流傳害子孫


政治毋清廉
國大武強無較增
政風屙膿國必亡
(說謊、失信、誤事)


財富個個想
私人國家共樣情
一旦變富見真章


***  **** *****

閒閒打嘴鼓
摘毋著葡萄來食
講葡萄酸乜甘願
 (一笑)

Thursday, October 10, 2013

反黑箱協議

服貿協議書
偷賣臺灣个協定
立法院吂識審過

臺灣人愛知
阿九心中冇臺灣
自家國家自家顧

=================

麻介國慶日
六萬白衫軍抗議
四千警察保馬統

阿九無才調
自欺欺人作猴戲
毀憲亂政賣臺灣
(斬首王金平,強行通過服貿法,續 (sa)等簽和平協議) 毋驚臺灣人生死!

亂到身邊來
忍到實在佇毋著 (du m diau 受不了)
再讓大家會跳海

大家企出來 (Stand for Taiwan)
堅強打拚正有力
信心團結救臺灣

All the best,

CS Lou


Monday, October 7, 2013

作詩結緣變熟事

客家三行詩,
學搞作詩續正經,(sa)
好得有伴正耐牽  (耐當)
 
 
感謝冇棄嫌,
共下作詩好作伴,
傳承客語膽較在。
 
 
吂識見過面,
作詩結緣變熟事,
推廣三行詩大將。
 
 
黃金十年內,
老貨煞猛兜作詩,
傳承文化三萬首。
 
 
萬事起頭難,
傳承推廣更加難,
好在張兄來帶頭。
 
 
簡訊三行詩,
儕儕好看又會作,
啟蒙社會建共識。
 
 
字淺意思深,
十九客字傳心意,
作詩交友大平世。

Sunday, October 6, 2013

民主花開會結果

台灣介民主,
前輩撒下介種子,
這輩接著有開花。
           
花開會結果,
大家打拼為生計,
代代相傳就進步。

政客

只知為自家
募款開嘴像親家
轉身堵著奈識汝

夢境台三線

祝 台三線察訪成功

歷史介安排
以前蠻荒丘陵地
擠走原民開荒地。

先民安命地
先來河洛佔好位
慢到客家血汗耕。

滋養台灣地
都市叢林水泥造
丘陵山坡變寶地。

精緻農業線
風水流轉台三線
保有農村原來樣。

夢境台三線
沿線點點客家庄
各有特色桐樹下。

關西 陳秋鴻 Oct 6th, 2013

Saturday, October 5, 2013

落葉愛歸根

落葉愛歸根
水浮蓮離水難生
根冇泥定著會死。

漂泊戲人生
湖萍(?)騰水選所在
漂流冇定去奈位。

秋去迎深冬
落葉飄舞停樹下
春來歸土養樹根。

大地容眾生
異國漂泊四十秋
有想歸去迎深冬。

關西 陳秋鴻 oct 6th, 2013 美國 (米國)

空殼基層無較增

勸話蘇主席,
一切為黨為國家,
派系爭提名。


協調人,
勸下天王立委群,
牽成新人後生條。


一切照規矩,
民調勝出愛尊重,
千萬毋好空降人。


勸話候選人,
多行基層聽民意,
少講多做得民心。


七合一選舉,
毋好只拼百里侯,
里長代表乜重要。


顧上無顧下,
黨內實力難增強,
空殼基層無較增。


兩千十六年,
總統大選係愛贏,
召萬千選代表。

台灣政壇劈腦筋

海外看政爭,
台灣政壇腦筋﹝=中風﹞
盡多台僑跟等


著怪光頭,
嫌佢民調無進步,
倒底奈位所爭著?

提防漏氣仙

無能馬英九,
政績空空冇人氣,
愛噭毋得嘴扁扁。


阿九無才調,
屙屎毋出怨豬嬤,
監聽強賴王金平。


算盤打毋著,
阿九失算顛倒橫,
賣臺計劃難進展。


提防漏氣仙,
最驚小人座定敗,
簽賣臺灣轉中國。


民主靠選舉,
選票千萬莫打爽,
選賢與能管政府。


臺灣人當家,
自家國家自家管,
國泰民安出頭天。

海外看政爭

海外看政爭,
官官相護馬會贏,
九趴民意損著黨。
                
明年七合一,
百姓選票會講話,
中投彰雲盡難保。

蟬仔脫殼正會大

脫殻愛成長 ( tod hoc ?)
春蠶到死絲方盡 ( 註:方盡? 好像不太客家,正盡 ?)
蟬仔脫殼正會大。

竊聽大教育 
天意難測福台灣
全民看戲兼上課。

目睡蟲亂源
馬桶霸損人權
違法亂政真面目。

讓步為養身
百年怪獸暫giu 走 (退卻)
轉進孔肚等報仇。(國民黨用 轉進 為 敗退 )


毋夲佢反生
打蛇愛打七寸位
棺材裝佢愛釘死。(nail it )


God bless Taiwan

關西 陳秋鴻 Oct 6th, 2013

Friday, October 4, 2013

土耳其旅遊轉來

歐亞交咬點
國國有難唸的經
回教國難入歐盟


多樣文明史
奇岩異石土地大
國格尊榮人友善

 

奧圖曼蘇丹
眾妃妾後宮三千
宦官人奴像中國


征服被征服
奧圖曼佔歐非亞
民族性強悍堅忍



陳秋濤

10 05 2013

Thursday, October 3, 2013

當家作主愛堅強

勸話王金平
看破國民黨瀝載 (lag zai 底細) 瀝屎
認同臺灣主權國

郭正亮好辯
打落同胞無較增 (mo ka zang) 於事無濟
愛臺志士無驚多

國民黨內鬥
臺灣人靜觀自得
當家作主愛堅強  (愛趕緊)

Tuesday, October 1, 2013

愛上三行癲又狂

承蒙看啀起,
阿笨逐樣半桶水,
愛上三行癲又狂。
 
寫出阿姆話,
傳承文化耀祖先,
推廣三行歡喜做。
 
人生過大半,
相識先生係緣分,
拜託繼續沙又激。
 
黃金十年內,
行遍台三線村庄,
寫出頭擺介台灣。

中原夢冇醒

中原夢冇醒
go go di di 簡體字
( 糾纏曖昧, 膏膏滴滴?)
一邊一客奈祖國。 (台灣客家, 認那一邊為祖國?)

 
認同吂斷尾 ( 很多台灣客家,還有"中原"幻夢,存留尾巴)
中國客家中國人
台灣客家台灣人


 
祖國係台灣
兩片客話冇共樣
(兩邊的客家話不一樣)
模糊認同衰台灣。

關西 陳秋鴻 9/30/2013

三行詩愛開班


淑媛老師您好!!

歡喜你轉來
九月初九愛開班
學生期待你指導

先生恁會教
內容豐富又生趣
有讀有食打逗敘

分享三行詩
簡簡單單來開始
學到个字記起來 (鼓勵學生)

客家三行詩佇Toronto生根

客家三行詩
訪英會長來開始
實在分人心感動
 
故所娾建議
會長來教高級班
客家鄉親共下學
 
學習自由行
三行五行隨人寫
心頭歡喜較重要
 
 文化傳承難
 文章寫詩隨人願
 自由發揮較生趣
 
 寫詩雖然好
 詩詞文章非一切
 藝術經濟愛加強
 
愛學猶太人
經濟科學藝術強
美國政治愛聽佢

台灣文化節

1. 台灣文化節
   唱歌跳舞當鬧熱
   今年冇來等明年
 
2 學習客家話
   阿公阿伯當認真
   轉去傳分下一代
 
3 月光金當當
   八月十五中秋節
   全家團圓樂融融
 
 
                      李素香